"Yuventus" yarim himoyachisi Kefren Tyuramga "Pari Sen-Jermen" qiziqish bildirmoqda.
Liga 1 grandi o‘rta chiziqni kuchaytirish ustida ishlamoqda va 24 yoshli futbolchini allaqachon short-listga kiritgan, deb xabar beradi Tuttosport. Fransuzni o‘z tomoniga og‘dirish oson bo‘lmaydi: "Yuventus" xavbekni sotishni istamayapti va u bilan 2030 yilgacha mo‘ljallangan yangi shartnoma imzolamoqchi.
Kefren Tyuram Turin klubiga o‘tgan yilning iyulida "Nissa"dan 20,6 mln yevro evaziga o‘tgan edi. Futbolchining ayni damdagi narxi Transfermarkt mutaxassislari tomonidan 40 mln yevroga baholanmoqda.
O‘tgan mavsumda Tyuram "keksa sinyora"ning 51 ta o‘yinida qatnashib, beshta gol va sakkizta golli uzatmani amalga oshirdi.
