"Тоттенхэм" бош мураббийи Томас Франк вингер Брайан Мбеумонинг "Брентфорд"дан кетиш арафасида эканлиги ҳақида фикр билдирди.
25 ёшли футболчининг "Манчестер Юнайтед"га трансфери тасдиқланиш арафасида. Журналистлар бу борада шу йилнинг ёзигача "Брентфорд"ни бошқарган Франкдан фикр сўрашди.
"Мбеумо - фантастик ўйинчи, у билан беш йил ишладим. Ўйлайманки, у охир-оқибат қаерга бормасин, ўша жамоага ўтишга тўлиқ лойиқ. Унга энг яхши тилакларни тилайман," - дея "шпорлар"нинг янги устози сўзларини келтиради The Touchline.
"Қизил иблислар" Брайан Мбеумонинг трансфери учун тахминан 75 млн евро тўлайди.
