Мадриднинг "Реал" клубида ҳужумчи Родригонинг келажаги бўйича қарор қабул қилинди. Radio Marca хабарига кўра, "қаймоқранглилар" Родригони ўз ташаббуси билан сотмайди. Трансфер амалга ошиши учун 24 ёшли бразилияликнинг ўзи клубдан кетиш истагини билдириши керак.

Шу билан бирга, Родриго вазиятни ўзгартирмоқчи бўлиши ҳам эҳтимолдан холи эмас. Клублар ўртасидаги жаҳон чемпионати Хаби Алонсо ҳужум чизиғидаги бошқа ижрочиларга таянишини кўрсатди. Яъни, Родригонинг янги мавсумдаги ўйин вақти чекланиши аниқ.

Аввалроқ матбуотда Transfermarkt портали 90 миллион еврога баҳолаган Родриго 2026 йилги жаҳон чемпионатида Бразилия терма жамоаси сафида ўйнаш истагини инобатга олиб, ўйин амалиётидан хавотирда экани ҳақида ёзишганди.