Madridning "Real" klubida hujumchi Rodrigoning kelajagi bo‘yicha qaror qabul qilindi. Radio Marca xabariga ko‘ra, "qaymoqranglilar" Rodrigoni o‘z tashabbusi bilan sotmaydi. Transfer amalga oshishi uchun 24 yoshli braziliyalikning o‘zi klubdan ketish istagini bildirishi kerak.
Shu bilan birga, Rodrigo vaziyatni o‘zgartirmoqchi bo‘lishi ham ehtimoldan xoli emas. Klublar o‘rtasidagi jahon chempionati Xabi Alonso hujum chizig‘idagi boshqa ijrochilarga tayanishini ko‘rsatdi. Ya’ni, Rodrigoning yangi mavsumdagi o‘yin vaqti cheklanishi aniq.
Avvalroq matbuotda Transfermarkt portali 90 million yevroga baholagan Rodrigo 2026 yilgi jahon chempionatida Braziliya terma jamoasi safida o‘ynash istagini inobatga olib, o‘yin amaliyotidan xavotirda ekani haqida yozishgandi.
