"Барселона" раҳбарияти "Манчестер Юнайтед" футболчиси Маркус Рэшфордни сотиб олишга тайёр. Бу ҳақда Mundo Deportivo нашри хабар бермоқда.
Манбага кўра, "Барселона" Луис Диас трансфери амалга ошмаган тақдирда ҳужум чизиғини кучайтириш учун ҳужумчи номзодини кўриб чиқади. "Кўк-анорранглилар" агар Рэшфорд маошини сезиларли даражада камайтиришга рози бўлса, унга шартнома таклиф қилади. Маркуснинг ўзи фаолиятини Испанияда давом эттириш истагида.
Рэшфорд 2016 йилдан бери "Манчестер Юнайтед" футболчиси ҳисобланади. Ўтган мавсумнинг иккинчи ярмини 27 ёшли вингер "Астон Вилла"да ижарада ўтказди. У икки клуб сафида жами 41 та ўйин ўтказиб, 11 та гол урган ва 9 та голли узатмани амалга оширган. Transfermarkt талқинига кўра, Рэшфорднинг трансфер нархи - 50 млн евро.
