Бир қатор манбалар якдиллик билан яқин кунларда ҳужумчи Маркус Рэшфорд "Барселона" футболчисига айланишини таъкидламоқда. Каталония гранди 27 ёшли форвардни сотиб олиш ҳуқуқи билан ижарага олди.
Marca нашрининг хабар беришича, клублар ўртасидаги келишувда 35 миллион евро миқдорида сотиб олиш банди кўрсатилади. Ижара муддати тугагач, Рэшфорднинг тўлақонли трансфери учун "Барселона" айнан шунча пул сарфлашига тўғри келади.
Ҳозирча инсайдлар шундан иборатки, сотиб олиш банди мажбурий бўлмайди. Аммо келинг, бу борада батафсилроқ маълумотни кутамиз.
Эслатиб ўтамиз, ўтган мавсумнинг иккинчи қисмида Маркус Рэшфорд ижара асосида "Астон Вилла" шарафини ҳимоя қилган эди.
