"Пескара" яримҳимоячиси Хуан Кинтеро фаолиятини "Порту"да давом эттириши мумкин. Бу ҳақда CNN мухбири маълум қилган.
Португалия клуби футболчининг трансферини 10 миллион евро эвазига сотиб олишга яқин турибди.
Айтиш жоиз, аввалроқ Кинтеронинг хизматларига "Бенфика", "Милан", "Интер", "Атлетико", "Локомотив", "Барселона" ва "Манчестер Сити" клублари қизиқаётгани ҳақида хабар берилганди. Улар сафида энди "Порту" ҳам қўшилмоқда. Афтидан, хориж матбуоти бироз ошириб юбормоқда.
Маълумот ўрнида қайд этиш керак, ўтган мавсум Кинтеро А-сериянинг 17 ўйинида 1та гол ва 2та голли узатмага муаллифлик қилган.
