"Манчестер Юнайтед"нинг чап қанот ҳимоячиси Патрик Доргу жамоадоши Матей Куньяни мақтади. "Қизил иблислар" бразилиялик форвардни жорий мавсум оралиғида "Вулверхэмптон"дан сотиб олди. Трансфер нархи 70 миллион евродан ошди.
"Кунья - кучли футболчи, у ўтган мавсумда "бўрилар" сафида яхши ҳаракат қилди. Умид қиламанки, у ўзининг энг яхши фазилатларини "Манчестер Юнайтед"га олиб кела олади. У тўпни қандай бошқаришини, комбинацион ўйинда қанчалик яхши эканини кўрдингиз. У гол ура олади, бу бизга керак", - деди Доргу.
Шанба куни Матей Кунья “Манчестер Юнайтед” сафида илк бор майдонга тушди: у “Лидс”га қарши ўртоқлик ўйинида майдонда 45 дақиқа ҳаракат қилди, ўйин эса голсиз дуранг билан якунланди.
