"Бенфика" "Палмейрас" билан ярим ҳимоячи Ричард Риоснинг трансфери борасида музокаралар олиб бормоқда. Лиссабон клуби колумбиялик футболчи учун 30 миллион евро таклиф қилди, дея хабар беради инсайдер Николо Скира.
25 ёшли футболчининг шартномаси 2029/30 йилги мавсум охиригача, йилига 3 миллион евро маош билан тузилган. Агар келишув амалга ошса, Риос "Бенфика" тарихидаги Энцо Фернандес (44,2 миллион евро, "Ривер Плейт") ва Дарвин Нуньесдан (34 миллион евро, "Альмерия") кейин энг қиммат харидлар бўйича учинчи ўринни эгаллайди.
Аввалроқ, "Палмейрас" юлдузига асосий даъвогар Италиянинг "Рома" клуби ҳисобланган, у ярим ҳимоячи билан деярли келишувга эришган, бироқ Бразилия клубини ишонтира олмаган.
