"Барселона" бош мураббийи Ханс-Дитер Фликка жамоанинг "Камп Ноу"га қайтиши яна ортга сурилаётгани ҳақида хабар берилди. Реконструкцияни яна ўз вақтида якунлашга улгуришмади, шунинг учун "кўк-анорранглилар" яқин вақт ичида ўз стадионида ўйнай олмайди. Каталонияликлар янги йил бошлангунча ўз уй учрашувларини "Монжуик"да ўтказиши ҳам эҳтимолдан холи эмас. Журналист Хави Мигелнинг сўзларига кўра, клуб бу ҳақда Фликка хабар берган - у бундан ҳайратда қолган.

Германиялик мураббий ўтган мавсум аввалида ўз лавозимини эгаллаган эди. Жамоа мавсумни ажойиб тарзда ўтказди, Ла Лига, Испания кубоги ва маҳаллий Суперкубокда ғолиб чиқди ва Чемпионлар Лигаси ярим финалига чиқди.