"Манчестер Сити" Жеймс Макатини 35 миллион фунтга баҳоламоқда.
Июнь ойи охирида "шаҳарликлар" 22 ёшли ярим ҳимоячини тахминан 25 млн фунтга сотишга тайёрлиги хабар қилинганди.
Англия U-21 терма жамоаси сардорига "Ноттингем Форест", "Вест Хэм", шунингдек, Дортмунднинг "Боруссия", Франкфуртнинг "Айнтрахт" ва Бундеслиганинг бошқа клублари қизиқиш билдирмоқда. Уларнинг аксарияти 20-25 миллион фунт атрофида битим тузишга умид қилишган. Бироқ, тахминларга кўра, энди манкунианликлар тахминан 35 миллион фунтга умид қилмоқда. Бу футболчига даъвогарлар учун тўсиқ бўлиши мумкин.
Қайд этилишича, 2023 йилда Коул Палмерни "Челси"га 42,5 млн фунтга сотган "Сити" Макэйти нархини белгилашда айнан шу суммадан фойдаланмоқда.
Яқинда футболчи бир муддат Германияда бўлиб, "Айнтрахт" ва "Боруссия" билан танишган ва кўрганларидан ҳайратга тушганди. Ўз навбатида, "Ноттингем" ва "Вест Хэм" ҳам ҳужум чизиғини кучайтириш мақсадида футболчи олишни кўзламоқда.
