Лиссабоннинг "Спортинг" клуби ва Португалия ёшлар терма жамоасининг 20 ёшли марказий ҳимоячиси Тиагу Илори "Ливерпуль"нинг қизиқиш доирасига кирган, дея хабар беради Daily Mail.
"Қизиллар" футболчи учун 3 миллион фунт стерлинг таклиф қилмоқдалар, аммо Португалия клуби бундан икки баробар кўпроғини хохламоқда. Инглизлар ҳимоячини сотиб олишга жиддий бел боғлашган шекилли, музокараларни давом эттиришга тайёрлигини билдирган.
Қайд этиш жоиз, якунланган мавсумда Илори Португалия чемпионатининг 11 ўйинида майдонга тушди ва 1та гол уришга муваффақ бўлди.
