Марк-Андре тер Штеген учун келгуси ҳафта муҳим бўлади. Германиялик дарвозабон мавсумолди машғулотлари бошида машғулот ўтказишга тўсқинлик қилган белдаги муаммолар туфайли жарроҳлик амалиётини ўтказиш ёки ўтказмаслик масаласини ҳал қилиши керак. Нима бўлганда ҳам тер Штегеннинг "Барселона" билан Япония ва Жанубий Кореяга сафар қилиши истисно қилинган. Бу ҳақда Mundo Deportivo нашри хабар бермоқда.

Агар тер Штеген операция қилишга қарор қилса, тўрт ойни ўтказиб юбориши аниқ. Бундай ҳолатда "Барселона"га бошқа футболчи - Жоан Гарсияни рўйхатдан ўтказиш осонроқ бўлади.

Аввалроқ, "Барселона" бош мураббийи Ханс-Дитер Флик тер Штегендан асосий дарвозабон сифатида умид қилмаётгани ҳақида хабарлар тарқалган эди.