"Милан" вице-президенти Адриано Галлиани клуб бирор футболчини сотмаса, ҳеч кимни ҳарид қилмаслигини маълум қилди. Бу ҳақда TMW хабар беради.
Манба тарқатган маълумотга кўра, "қизил-қоралар" ЦСКА яримҳимоячиси Кейсуке Хондани кўз остига олиб қўйишган. Миланликлар ҳужумчиси Робиньони сотиб юборишганлари ҳамоноқ рус клубига расмий таклиф жўнатишни мўлжаллаб турибди.
Бразилияликинг "Сантос"га қайтиши борасида жанубий америкаликлар билан музокаралар ҳамон давом этмоқда. Афтидан, томонлар якуний келишувга деярли эришганлар. Трансфер шу ёзда албатта амалга ошиши кутилмоқда.
Эслатиб ўтамиз, аввалроқ Галлиани Хонда билан ҳеч қандай шахсий келишувлари йўқлигини, ЦСКА бош директори Роман Бабаев эса "Милан" билан алоқа бўлмаганини маълум қилгандилар.
