"Барселона" бош мураббийи Ханс-Дитер Флик телефон орқали жамоанинг бўлажак янги футболчиси Маркус Рэшфорд билан боғланди.
Германиялик мураббий 27 ёшли вингер билан ўз режалари билан ўртоқлашди, шунингдек, инглиз футболчисига жамоадаги ўрни ҳақида гапирди, деб хабар беради Diario Sport.
Флик футболчи ҳақиқатан ҳам "Барселона"да ўйнашни хоҳлашини ва ўтишни интиқлик билан кутаётганини тезда англади.
Эслатиб ўтамиз, "Барселона" "Манчестер Юнайтед"дан Маркус Рэшфордни 30 миллион еврога сотиб олиш имконияти билан ижарага оляпти. Якшанба куни футболчи Каталония пойтахтига учиб келди ва яқин кунларда клуб келишувни расман тасдиқлайди.
