"Ливерпуль" вингери Федерико Кьеза ёзги трансфер ойнасида Италия чемпионатида ҳаракат қиладиган жамоага ўтишни истамоқда, бу ҳақда инсайдер Фабрицио Романо ижтимоий тармоқдаги саҳифасида хабар берди.
Манбага кўра, италиялик футболчи мавсумолди йиғини вақтида мерсисайдликлар қароргоҳини тарк этган.
Кьеза ўтган йилнинг ёзида 2028 йилнинг ёзигача шартнома имзолаб, Мерсисайд жамоаси сафини тўлдирди, аммо мавсум давомидаги ўйинларда ўзини кўрсата олмади. Ўтган мавсумда у барча турнирларда 14 та ўйинда қатнашиб, иккита гол урди ва жамоадошларига иккита голли узатмани амалга оширди.
