"Liverpul" vingeri Federiko Kyeza yozgi transfer oynasida Italiya chempionatida harakat qiladigan jamoaga o‘tishni istamoqda, bu haqda insayder Fabrisio Romano ijtimoiy tarmoqdagi sahifasida xabar berdi.

Manbaga ko‘ra, italiyalik futbolchi mavsumoldi yig‘ini vaqtida mersisaydliklar qarorgohini tark etgan.

Kyeza o‘tgan yilning yozida 2028 yilning yozigacha shartnoma imzolab, Mersisayd jamoasi safini to‘ldirdi, ammo mavsum davomidagi o‘yinlarda o‘zini ko‘rsata olmadi. O‘tgan mavsumda u barcha turnirlarda 14 ta o‘yinda qatnashib, ikkita gol urdi va jamoadoshlariga ikkita golli uzatmani amalga oshirdi.