Ёзда "Наполи" таркибига қўшилган нидерландиялик вингер Ноа Ланг унинг трансфери билан боғлиқ кутилмаларга изоҳ берди.
Хвича Кварацхелия "ПСЖ"га кетганидан сўнг, айнан Ланг илгари жамоанинг грузиялик етакчиси ўйнаган ҳужум қанотида ҳаракат қилиши керак. Кварацхелияни алмаштириш зарурати туфайли босим сезяпсизми, деган саволга жавоб берар экан, Ланг бу чорловни қабул қилишга тайёрлигини ва клуб тарихида ўз изини қолдиришга қарор қилганини таъкидлади.
- Мен клубнинг ишончини ҳис қиляпман ва Кварацхелия ажойиб ўйинчи эканлигини тушунаман. Аммо мен бутунлай бошқа футболчиман ва ўз тарихимни "Наполи"да қурмоқчиман. А серияда рақобат кучли ва бу менга ёқади. Италия мени ҳар доим футболга бўлган иштиёқи билан ўзига жалб қилган ва мен бу ерда ўзимни кўрсатиш имкониятини интиқлик билан кутмоқдаман," - деди Ланг клуб расмий сайтига берган интервьюсида.
Эслатиб ўтамиз, Ланг жорий ёзги трансфер ойнасида ПСВдан "Наполи"га ўтган эди.
