Yozda "Napoli" tarkibiga qo‘shilgan niderlandiyalik vinger Noa Lang uning transferi bilan bog‘liq kutilmalarga izoh berdi.
Xvicha Kvarasxeliya "PSJ"ga ketganidan so‘ng, aynan Lang ilgari jamoaning gruziyalik yetakchisi o‘ynagan hujum qanotida harakat qilishi kerak. Kvarasxeliyani almashtirish zarurati tufayli bosim sezyapsizmi, degan savolga javob berar ekan, Lang bu chorlovni qabul qilishga tayyorligini va klub tarixida o‘z izini qoldirishga qaror qilganini ta’kidladi.
- Men klubning ishonchini his qilyapman va Kvarasxeliya ajoyib o‘yinchi ekanligini tushunaman. Ammo men butunlay boshqa futbolchiman va o‘z tariximni "Napoli"da qurmoqchiman. A seriyada raqobat kuchli va bu menga yoqadi. Italiya meni har doim futbolga bo‘lgan ishtiyoqi bilan o‘ziga jalb qilgan va men bu yerda o‘zimni ko‘rsatish imkoniyatini intiqlik bilan kutmoqdaman," - dedi Lang klub rasmiy saytiga bergan intervyusida.
Eslatib o‘tamiz, Lang joriy yozgi transfer oynasida PSVdan "Napoli"ga o‘tgan edi.
