"Ливерпуль" вингери Федерико Кьеза "Аталанта"га ўтиши мумкин. Италиялик футболчи "қизиллар"нинг яқинлашиб келаётган мавсумолди йиғинига йўл олган қайдномага киритилмади ва унинг тез орада кетиш эҳтимоли анча юқори ҳисобланади. Журналист Микеле Криштиелонинг ёзишича, "Аталанта" 27 ёшли футболчи учун 12 млн евро таклиф қилишга тайёр. Музокаралар тез орада бошланади.
Федерико Кьеза ўтган йилнинг августида "Ювентус"дан 12 млн евро эвазига "Ливерпуль"га ўтганди. Футболчининг мерсисайдликлар билан амалдаги шартномаси 2028 йилнинг ёзига қадар мўлжалланган.
Ўтган мавсумда Кьеза Арне Слот жамоаси сафида барча мусобақаларда 14 та ўйинда майдонга тушиб, 2 та гол ва 2 та голли узатмани амалга оширди.
