"Пари Сен-Жермен" ва дарвозабон Жанлуижи Доннарумма янги шартнома шартларини келиша олмаяпти.
Италияликнинг амалдаги келишуви келаси йилнинг ўрталарида тугайди. Омма олдида дарвозабон доимий равишда янги шартнома тузиш ниятини айтиб келади, аммо амалда вазият мураккаброқ: у маошини қисқартиришга рози бўлишни истамайди, парижликлар раҳбарияти эса ҳозир оладиган йилига 12 миллион еврони таклиф қилишга тайёр эмас. RMC Sport хабарига кўра, "ПСЖ"дагилар юзага келган вазиятдан хавотирлана бошлаган - клубдагилар музокаралар боши берк кўчага кириб қолганини англаб етган.
Доннаруммага Лондоннинг "Челси" клуби қизиқиш билдирмоқда, у янги кипер қидирмоқда ва 26 ёшли француз гранди юлдузига мурожаат қилиши мумкин.
