"Pari Sen-Jermen" va darvozabon Janluiji Donnarumma yangi shartnoma shartlarini kelisha olmayapti.

Italiyalikning amaldagi kelishuvi kelasi yilning o‘rtalarida tugaydi. Omma oldida darvozabon doimiy ravishda yangi shartnoma tuzish niyatini aytib keladi, ammo amalda vaziyat murakkabroq: u maoshini qisqartirishga rozi bo‘lishni istamaydi, parijliklar rahbariyati esa hozir oladigan yiliga 12 million yevroni taklif qilishga tayyor emas. RMC Sport xabariga ko‘ra, "PSJ"dagilar yuzaga kelgan vaziyatdan xavotirlana boshlagan - klubdagilar muzokaralar boshi berk ko‘chaga kirib qolganini anglab yetgan.

Donnarummaga Londonning "Chelsi" klubi qiziqish bildirmoqda, u yangi kiper qidirmoqda va 26 yoshli fransuz grandi yulduziga murojaat qilishi mumkin.