"Манчестер Юнайтед" ҳужумчиси Расмус Хёйлунд клубни тарк этишни истамаяпти. "Қизил иблислар" Англияда ўзининг энг яхши фазилатларини намойиш эта олмаган 22 ёшли даниялик футболчи билан хайрлашишга тайёр, аммо ҳужумчининг ўзи бу ёзда жамоасини ўзгартириш истаги билан ёнмаяпти, деб ёзади инсайдер Фабрицио Романо. Футболчи "МЮ" ундан жамоадан кетишни тўғридан-тўғри сўраган тақдирдагина кетиш имкониятини кўриб чиқади.
Расмус Хёйлуннинг нархи Transfermarkt экспертлари томонидан 35 млн еврога баҳоланмоқда. Ўтган мавсумда футболчи манкунианликлар сафида барча мусобақаларда 52 та ўйинда ўнта гол урди ва тўртта голли узатмани амалга оширди.
