"Manchester Yunayted" hujumchisi Rasmus Xyoylund klubni tark etishni istamayapti. "Qizil iblislar" Angliyada o‘zining eng yaxshi fazilatlarini namoyish eta olmagan 22 yoshli daniyalik futbolchi bilan xayrlashishga tayyor, ammo hujumchining o‘zi bu yozda jamoasini o‘zgartirish istagi bilan yonmayapti, deb yozadi insayder Fabrisio Romano. Futbolchi "MYU" undan jamoadan ketishni to‘g‘ridan-to‘g‘ri so‘ragan taqdirdagina ketish imkoniyatini ko‘rib chiqadi.

Rasmus Xyoylunning narxi Transfermarkt ekspertlari tomonidan 35 mln yevroga baholanmoqda. O‘tgan mavsumda futbolchi mankunianliklar safida barcha musobaqalarda 52 ta o‘yinda o‘nta gol urdi va to‘rtta golli uzatmani amalga oshirdi.