"Ювентус" хавбеки Уэстон Маккенни Мадриднинг "Атлетико" клубига ўтиши мумкин.
"Кекса синьора" америкалик футболчи билан шартномани узайтириш бўйича музокараларда қийинчиликларга дуч келди, шу сабабли унинг кетиши мумкинлиги ҳақидаги гап-сўзлар яна долзарб бўлиб қолди. La Gazzetta dello Sport нашри тарқатган хабарга кўра 26 ёшли футболчининг хизматлари "Атлетико"га таклиф қилинган. "Матрасчилар" "Интер Майами"га ўтишга яқин турган Родриго де Паул ўрнига янги ярим ҳимоячи билан шартнома имзолашдан манфаатдор.
Уэстон Маккенни ва "Ювентус" ўртасидаги меҳнат шартномаси келаси йилнинг ёзида якунига етади. Transfermarkt порталида футболчининг баҳоланган нархи - 22 млн евро.













