16 ёшли Абдулла Уазан муваффақиятсиз тиббий кўрик туфайли Мадриднинг "Реал" клубига трансферини якунига етказа олмади, аммо клуб футболчидан бутунлай воз кечмади.
"Аякс" ярим ҳимоячиси Мадридда муваффақиятсиз тиббий кўрикдан ўтгач, Амстердамда яна бир нечта тестдан ўтди - уларнинг барчаси унинг мутлақо соғлом ва яхши жисмоний ҳолатда эканлигини кўрсатди, деб хабар беради De Telegraaf. "Реал" марокашлик футболчининг янги текширувлари натижаларини ўрганмоқда, Европанинг бошқа топ-клублари у билан музокаралар олиб бормоқда.
Абделла Уазан 17 ёшгача бўлган Марокаш терма жамоаси сафида 15 та ўйинда 4 та гол урган ва 2 та голли узатмани амалга оширган.
