"Астон Вилла" дарвозабони Эмилиано Мартинес "Манчестер Юнайтед"га ўтиш истагида. Яқинда ОАВда тарқалган маълумотларга ишонадиган бўлсак, "қизил иблислар" аргентиналикни ижарага олмоқчи бўлган, бироқ "Вилла" таклифни рад этишган. Журналист Бен Жейкобснинг ёзишича, 32 ёшли жаҳон чемпионининг ўзи ҳамон "қизил иблислар" сафида тўп тепишни истамоқда, аммо манкунианликлар раҳбарияти дарвозабон бўйича кейинги музокаралар борасида ҳали бир қарорга келгани йўқ.

"Манчестер Юнайтед" Эмилиано Мартинесни қўлга киритиш бўйича катта режалардан воз кечиб, асосий эътиборни янги Андре Онанага янги ўринбосар қидиришга қаратиши ҳам эҳтимолдан холи эмас - бундай келишув камроқ харажат талаб қилади.