"Ньюкасл" ҳали ҳам ҳужумчи Александр Исак билан хайрлашмоқчи эмас.

Клубнинг юқори лавозимли амалдорлари швециялик футболчи жорий трансфер ойнасида сотилмаслигига қатъий ишонмоқда, деб хабар беради Telegraph Football.

Сўнгги маълумотларга кўра, 25 ёшли футболчига "Ливерпуль" ва Саудия Арабистонининг "Ал-Ҳилол" клублари қизиқиш билдирмоқда. Ҳужумчининг ўзи "магпилар" раҳбариятининг унинг учун трансфер таклифларини кўриб чиқишни мутлақо истамаслигидан норози.

Футболчининг "Ньюкасл" билан шартномаси 2028 йилнинг ёзига қадар мўлжалланган.