"Наполи" янги мавсумга тайёргарлик доирасида сешанба куни "Ареццо"га қарши ўртоқлик ўйини ўтказди. Гап Италиянинг учинчи даражали футбол дивизиони бўлган С Серия вакили бўлган анча камтар жамоа ҳақида кетмоқда.
"Ареццо" баҳсда "Наполи"ни 2:0 ҳисобида мағлуб этишга муваффақ бўлди. С Серия вакиллари ҳар бир бўлимда биттадан гол уришди. Ҳа, бу сенсация, лекин ўртоқлик ўйинларида камдан-кам одам натижага эътибор қаратади.
Айтиш керакки, Кевин де Брюйне шу ўйинда "Наполи" сафида дебют қилди. Бельгиялик ярим ҳимоячи ёзда "Манчестер Сити"даги ўн мавсумдан сўнг Неаполь клубига кўчиб ўтган эди.
