"Брайтон"нинг чап қанот ҳимоячиси Первис Эступиньян фаолиятини "Милан"да давом эттиради.

Клублар ўртасида трансфернинг барча шартлари бўйича келишувга эришилган. Sky Sport Italia маълумотларига кўра, битим қиймати - 19 млн евро, шундан 2 млн - бонуслар. Томонлар ҳужжатларни расмийлаштиришни якунлашмоқда. Чоршанба куни 27 ёшли футболчи Италияга учиб келади, у ерда тиббий кўрикдан ўтади ва "россонерилар" билан шартнома имзолайди.

Первис Эступиньян "Милан"да жорий ойда Саудия Арабистонининг "Ал-Ҳилол" клубига 25 млн еврога сотилган Тео Эрнандеснинг ўрнини эгаллайди.