"Интер Майами" ҳужумчиси Лионель Месси клуб билан шартномани узайтириши деярли аниқ. Томонлар ҳамкорликни давом эттириш шартлари бўйича ҳали келишиб олгани йўқ, бироқ айни дамда ҳаммаси аргентиналик "қўтонлар" билан янги битим тузишини кўрсатмоқда, деб ёзади Mundo Deportivo.

Леонинг Аргентина терма жамоасидаги дўсти ва шериги Родриго де Паулнинг трансфери клубнинг саккиз карра "Олтин тўп" соҳибини камида 2026 йил охиригача сақлаб қолиш учун шундоқ ҳам катта имкониятларни янада оширди.

Лионель Мессининг "Интер Майами" билан амалдаги шартномаси жорий йилнинг декабрь ойи охирида ўз ниҳоясига етади. Июнь ойида футболчи 38 ёшга тўлди.