"Челси"нинг чап қанот ҳимоячиси Марк Кукурельянинг фикрича, Нони Мадуэке "Арсенал"га ўтишини бироз кутиши керак эди.
23 ёшли вингер "ПСЖ" билан клублар ўртасидаги жаҳон чемпионати финали қайдномасига киритилмади, чунки бу вақтда унинг трансфери бўйича келишувга эришилганди. "Кўклар" парижликларни мағлубиятга учратди (3:0) ва совринни боши узра кўтарди.
"Нонинг қарори ғалати бўлдими? Менимча, ҳа. Олдинги ўйинларда асосий таркибда майдонга тушмаган бўлса-да, яхши имкониятни қўлдан чиқарди, деб ҳисоблайман. Эҳтимол, у келажак ҳақида ўйлаётгандир, лекин бир-икки кун кутиш унга ҳеч гап эмасди. Ҳа, менинг фикримча, у кўп нарсани йўқотди," - деди Кукурелья журналист Жерар Ромерога берган интервьюсида.
