Жоау Феликснинг "Бенфика"га трансфери якунланиш арафасида. Record нашрининг ёзишича, "Челси" футболчининг 50 фоиз ҳуқуқини 25 миллион еврога сотишга рози бўлган. Томонлар битимни жума кунигача ёпиш ниятида.
Қайд этилишича, лиссабонликлар футболчи билан шартноманинг асосий шартларини келишиб олган.
Ўтган мавсумнинг иккинчи қисмида 25 ёшли хавбек "Милан" сафида ижара асосида тўп тепган, аммо асосий таркибдан мустаҳкам ўрин ола олмаган эди. Энди Феликсда таниш муҳитда ва қадрдон клубида фаолиятини қайта бошлаш имконияти пайдо бўлиши мумкин.
Эслатиб ўтамиз, ўз вақтида Феликсни дунёга танитган ҳам айнан "Бенфика" эди. 2019 йилда у Лиссабон учун рекорд даражадаги 126 миллион евро эвазига Мадриднинг "Атлетико" клубига ўтди.
