Joau Feliksning "Benfika"ga transferi yakunlanish arafasida. Record nashrining yozishicha, "Chelsi" futbolchining 50 foiz huquqini 25 million yevroga sotishga rozi bo‘lgan. Tomonlar bitimni juma kunigacha yopish niyatida.
Qayd etilishicha, lissabonliklar futbolchi bilan shartnomaning asosiy shartlarini kelishib olgan.
O‘tgan mavsumning ikkinchi qismida 25 yoshli xavbek "Milan" safida ijara asosida to‘p tepgan, ammo asosiy tarkibdan mustahkam o‘rin ola olmagan edi. Endi Feliksda tanish muhitda va qadrdon klubida faoliyatini qayta boshlash imkoniyati paydo bo‘lishi mumkin.
Eslatib o‘tamiz, o‘z vaqtida Feliksni dunyoga tanitgan ham aynan "Benfika" edi. 2019 yilda u Lissabon uchun rekord darajadagi 126 million yevro evaziga Madridning "Atletiko" klubiga o‘tdi.
