Мадриднинг "Реал" клуби вингери Родригонинг келажаги ҳали аниқ эмас. Футболчи ҳақида турли маълумотлар тарқалмоқда: баъзи манбалар унинг "Реал"да ўйнашни давом эттирмоқчи экани ҳақида хабар бермоқда, бошқа манбалар эса бразилиялик футболчи ўз ҳолатидан норози экани ва кетишга ошиқаётганини таъкидламоқда. Diario AS хабарига кўра, ҳозирда "Реал" "Ливерпуль"дан Родриго бўйича аниқ таклиф кутмоқда. Келгуси ҳафтада музокаралар бошланиши мумкин.
Родригонинг Transfermarkt талқини бўйича нархи 90 млн еврога тенг. 24 ёшли футболчига даъвогарлар орасида Лондоннинг "Арсенал", "Бавария", "ПСЖ" ва "Манчестер Сити" клублари бор эди.
