Madridning "Real" klubi vingeri Rodrigoning kelajagi hali aniq emas. Futbolchi haqida turli ma’lumotlar tarqalmoqda: ba’zi manbalar uning "Real"da o‘ynashni davom ettirmoqchi ekani haqida xabar bermoqda, boshqa manbalar esa braziliyalik futbolchi o‘z holatidan norozi ekani va ketishga oshiqayotganini ta’kidlamoqda. Diario AS xabariga ko‘ra, hozirda "Real" "Liverpul"dan Rodrigo bo‘yicha aniq taklif kutmoqda. Kelgusi haftada muzokaralar boshlanishi mumkin.
Rodrigoning Transfermarkt talqini bo‘yicha narxi 90 mln yevroga teng. 24 yoshli futbolchiga da’vogarlar orasida Londonning "Arsenal", "Bavariya", "PSJ" va "Manchester Siti" klublari bor edi.
