"Бавария" ярим ҳимоячиси Жоау Палинья Англияга қайтиш истагида.
Мюнхенликлар жорий трансферлар даврида 30 ёшли футболчи билан хайрлашишга тайёр. Португалияликнинг ўзи кетишга шошилмаяпти, аммо "Бавария" уни сотишга қарор қилса, Премьер-лигага қайтишдан хурсанд бўлади, деб ёзади журналист Франк Линкеш. Хавбекка "Тоттенхэм" қизиқиш билдирмоқда.
Ўтган йилнинг ёзида "Бавария" Жоау Пальиньяни "Фулхэм"дан 51 млн еврога сотиб олганди. Тахминларга кўра, агар у сотилса, немис гранди футболчи учун тахминан икки баравар камроқ пул сўрайди.













