"Манчестер Юнайтед" вингери Алехандро Гарначо фаолиятини давом эттириш учун маъқул бўлган жойни аниқлаб олди.
"Қизил иблислар" аргентиналик футболчини ёзда сотиб юбормоқчи, чунки у бош мураббий Рубен Аморимнинг режаларига кирмайди. Инсайдер Фабрицио Романонинг таъкидлашича, 21 ёшли футболчи фаолиятини Премьер-лиганинг бошқа клубида давом эттирмоқчи. Вазиятни январь ойидан буён футболчига даъвогар ҳисобланган "Челси" кузатишда давом этмоқда.
"Кўклар"нинг шорт-листида Алехандро Гарначо борлиги маълум, аммо ҳозирча музокаралар олиб борилмаяпти. "Челси"нинг устувор мақсади - "РБ Лейпциг"дан Хави Симонс.













