Сауль Ньигес Бразилиянинг "Фламенго" клуби билан шартнома имзолади. Бу ҳақда клуб расмий сайти хабар бермоқда.
Мадриднинг "Атлетико" клуби шарафини ҳимоя қилган футболчи янги жамоаси билан 2028 йилнинг 31 декабрига қадар шартнома имзолади. У "Фламенго"га эркин агент сифатида ўтди.
Ньигес мадридликлар сафида фаолиятининг 17 йилини, шу жумладан 13 йилини катталар даражасида ўтказди. Бу вақт ичида у 427 та ўйинда майдонга тушиб, 48 та гол урган ва 26 та голга ассистентлик қилган. Унинг ҳисобида Испания чемпионати, Кубоги ва Суперкубоги, шунингдек, УЕФА Суперкубоги ва Европа Лигасидаги ғалабалар бор.
