Лондоннинг "Челси" клуби Амстердамнинг "Аякс" клуби ҳимоячиси Йоррел Хато билан шартнома имзолашни якунламоқда.
Аввал хабар берганимиздек, инглиз гранди 19 ёшли футболчининг ўзи билан келишувга эришган. Инсайдер Фабрицио Романонинг ҳисоботидан маълум бўлишича, Хато "Аякс"дан ўзини "Челси"га сотишни сўраган. Футболчи фаолиятини Лондонда давом эттиришга қатъий қарор қилган.
Клублар ўртасидаги музокаралар давом этмоқда - битим тафсилотлари келишиб олиниш арафасида. Манбанинг таъкидлашича, трансфер қиймати тахминан 40 млн еврони ташкил қилиши кутилмоқда.
Transfermarkt портали экспертлари Йоррел Хатонинг нархини 35 млн еврога баҳоламоқда.













