Бразилиянинг "Фламенго" клуби "Милан" ҳимоячиси Эмерсон Рояль учун курашга қўшилди ва унинг Туркиянинг "Бешиктош" клубига ўтишини барбод қилиши мумкин, дея хабар бермоқда инсайдер Фабрицио Романо.

Италия ва Туркия клублари ўртасида футболчини ижараси бўйича оғзаки келишувга эришилган, бироқ бразилиялик гранд бу ишга аралашиб, футболчини ўз ватанига олиб кетишга тайёр. Энди қарор "Милан" ва Эмерсоннинг ўзига боғлиқ бўлиб, клуб "Бешиктош" билан дастлабки келишувларни бажарадими ёки "Фламенго" таклифини танлайдими, шуни ҳал қилиши керак.

Қайд этилишича, агар Эмерсон билан келишув муваффақиятли якунланса, "Фламенго" ҳимоячи Уэсли Франкни "Рома"га қўйиб юборишга тайёр.