"Реал" ҳужумчиси Родриго ёзги трансферлар бозорида "Тоттенхэм"нинг трансфер мақсади эмас. Бразилияликни Лондон клуби билан боғлаётган миш-мишлар ҳақиқатга тўғри келмайди. Бу ҳақда таниқли журналист Флориан Плеттенберг ижтимоий тармоқларда ёзди.
Аввалроқ, "Тоттенхэм" хўжайини Даниэл Леви Родригонинг нархини пасайтиришга ҳаракат қилиши ҳақида хабарлар тарқалган эди.
Нуфузли Transfermarkt портали мутахассислари Родригони 90 миллион еврога баҳоламоқда. 24 ёшли бразилиялик футболчининг "Реал" билан амалдаги шартномаси 2027/2028 йилги мавсум якунига қадар мўлжалланган.
