"Вулверхэмптон" ярим ҳимоячиси Андре "Ювентус" эътиборини тортди.
"Кекса синьора"нинг 24 ёшли футболчига қизиқиш билдираётгани ҳақида бир неча ҳафта олдин маълум бўлганди. Журналист Мирко ди Наталенинг маълум қилишича, яқинда туринликлар хавбек трансфери бўйича яна "бўрилар"га мурожаат қилишган, бироқ инглиз клубининг позицияси ўзгаришсиз қолмоқда: футболчи фақат жуда катта сумма эвазига сотилади.
Андренинг нуфузли Transfermarkt сайтидаги тахминий нархи - 28 млн евро. Ўтган йилнинг ёзида "Вулверхэмптон" бразилияликни "Флуминенсе"дан 22 млн еврога сотиб олган эди.
