Виктор Дьёкереш тез орада "Арсенал"га ўтиш учун тиббий кўрикдан ўтади.
Аввалроқ, "канонирлар" форвард трансфери бўйича "Спортинг" билан оғзаки келишувга эришгани хабар қилинганди.
Инсайдер Фабрицио Романонинг ёзишича, клублар барча керакли ҳужжатларни маъқуллаб, жараённи якунлаган.
27 ёшли футболчи сафар учун расмий рухсат олди. Унинг тиббий кўриги яқин 24 соат ичида бошланади.
Журналист Бен Жейкобнинг тасдиқлашича, Дьёкереш 63,5+10 млн еврога сотиб олинади. Унга кўра, футболчи жума куни Лондонга етиб боради.
