"Барселона" дарвозабони Марк-Андре тер Штеген белидан операция қилиниши аниқ бўлгач мухлисларга мурожаат қилди.

"Мен "Барcелона" ранглари ва футболкасини фахр билан, майдонда ҳам, ундан ташқарида ҳам, ғалабали дақиқаларда ҳам, энг оғир кунларда ҳам кийиб келганман. Бугун эса шахсан мен учун оғир кун.

Жисмонан ва спорт нуқтаи назаридан ўзимни аъло даражада ҳис қиляпман, лекин, афсуски, оғриқлардан холи эмасман.

"Барcелона"нинг тиббий жамоаси ва ташқи мутахассислар билан батафсил маслаҳатлашувлардан сўнг, тўлиқ соғайишнинг энг тез ва хавфсиз йўли — бу орқа умуртқа (бел) соҳасида операция бўлиши белгиланди. Аввалги орқа операциямдан кейин майдонга 66 кундан сўнг, яъни деярли 2 ойда қайтгандим, аммо бу сафар шифокорлар эҳтиёткорлик билан тикланиш учун тахминан 3 ой керак бўлади деб ҳисоблашмоқда.

Эмоционал жиҳатдан жамоамга бу вақт ичида ёрдам бера олмаслигимни тушуниш мен учун жуда оғир.

Мен соғайишим ҳақида сизларни хабардор қилиб бораман ва азиз мухлислар, доимий қўллаб-қувватловингиз учун юракдан миннатдорчилик билдираман. Хавотир олманг — мен албатта қайтаман!", - деб ёзган 33 ёшли немис ўз Instagram саҳифасида.