Сербия футболи афсонаси Деян Станковичнинг ўғли Александр Станкович Миланнинг "Интер" клубини тарк этди. Бундан буён ёш футболчи Бельгиянинг "Брюгге" жамоасида ўйнайди.
Шартнома тўрт йилга имзоланган бўлиб, трансфер суммаси 9,5 миллион еврога баҳоланмоқда. Қайд этиш керакки, кичик Станкович "нерадзуррилар"нинг асосий таркибига академия орқали келган. Ўтган мавсумни у ижара асосида Швейцарияда ўтказди ва у ерда "Люцерн"да ўйнади.
Кичик Станковичнинг асосий позицияси таян ярим ҳимоячи, аммо у ҳимоя марказида ҳам, ярим ҳимоя марказида ҳам, юқорироқда ҳам ўйнай олади. Футболчи 19 ёшда.
