"Кристал Пэлас" футболчиси Эберечи Эзе ўз оиласига ёзда клубини ўзгартириш нияти ҳақида маълум қилди.
TBR Football нашри хабарига кўра, унинг фаолиятидаги кейинги қадам Лондоннинг "Арсенал" клубига ўтиш бўлади. Қайд этилишича, "канонирлар" ҳақиқатдан ҳам 27 ёшли футболчининг хизматларига қизиқиш билдирмоқда ва унинг трансфери бўйича музокаралар олиб бормоқда.
Шу билан бирга, клуб ҳозирда "Спортинг"дан ҳужумчи Виктор Дьёкерешни сотиб олиш бўйича келишувни якунлашга эътибор қаратмоқда. Ўтган мавсумда Эзе "Пэлас" таркибида 43 та ўйинда майдонга тушиб, 14 та гол урди ва 11 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган ва Transfermarkt маълумотларига кўра, унинг бозор нархи 55 миллион еврога баҳоланган.
