"Ньюкасл" "РБ Лейпциг" форварди Беньямин Шешкога қизиқиш билдирмоқда.
"Қарғалар" 22 ёшли Словения терма жамоаси аъзосини "Ливерпуль"га ўтиши мумкин бўлган Александр Исакга ўринбосар сифатида кўрмоқда, дея хабар бермоқда инсайдер Фабрицио Романо.
Манбага кўра, Шешко "Лейпциг" билан жентлменча келишувга эга бўлиб, у бир қатор клубларга 70-80 млн евро ва 5-10 млн евро миқдоридаги бонуслар эвазига ўтиши мумкин.
"Арсенал"дан немислар Шешко учун 100 млн сўраган, якунда "канонирлар" "Спортинг"дан Виктор Дьёкерешни 63,5+10 млн эвазига сотиб олишни маъқул кўрган.
Бундеслиганинг ўтган мавсумидаги 33 ўйинда Шешко 13 гол ва 5 голли узатмани амалга оширди.
