"Арсенал"нинг Виктор Дьёкереш учун бонуслар тўлаш шартлари маълум қилинди.

Швециялик ҳужумчи Лондон клубига ўтишга яқин турибди. "Канонирлар" футболчининг трансфери учун "Спортинг"га 63,5 миллион евро ва 10 миллион бонус тўлаши хабар қилинганди.

Журналист Бен Жейкобснинг маълумотларига кўра, бонусларнинг тузилиши қуйидагича:

- Ҳар 20 ўйин учун (агар у майдонда камида 45 дақиқа ўйнаган бўлса) - 1,25 млн евро, максимум 5 млн евро.

- Ҳар 20 та самарали ҳаракат учун (гол+пас) - 500 минг евро, максимум 1 млн евро.

- "Арсенал" Чемпионлар Лигаси умумий босқичига чиққан ҳар бир мавсум учун - 1 млн евро, максимум 4 млн евро.

Дьёкерешнинг "Арсенал"даги тиббий кўрикдан ўтиши шанба кунига белгиланган.