"Arsenal"ning Viktor Dyokeresh uchun bonuslar to‘lash shartlari ma’lum qilindi.
Shvesiyalik hujumchi London klubiga o‘tishga yaqin turibdi. "Kanonirlar" futbolchining transferi uchun "Sporting"ga 63,5 million yevro va 10 million bonus to‘lashi xabar qilingandi.
Jurnalist Ben Jeykobsning ma’lumotlariga ko‘ra, bonuslarning tuzilishi quyidagicha:
- Har 20 o‘yin uchun (agar u maydonda kamida 45 daqiqa o‘ynagan bo‘lsa) - 1,25 mln yevro, maksimum 5 mln yevro.
- Har 20 ta samarali harakat uchun (gol+pas) - 500 ming yevro, maksimum 1 mln yevro.
- "Arsenal" Chempionlar Ligasi umumiy bosqichiga chiqqan har bir mavsum uchun - 1 mln yevro, maksimum 4 mln yevro.
Dyokereshning "Arsenal"dagi tibbiy ko‘rikdan o‘tishi shanba kuniga belgilangan.
